- 66 -
[1426 (9. września)] Oleśnica, w poniedziałek po Narodzeniu NMP.
Książę Konrad KąckiPan na Kątach Wrocławskich donosi do wielkiego mistrza zakonu krzyżackiego etc.
— Unsere fruntliche denste mit ganczer beheglichkit czuvor, hochwirdiger und grosmechtiger herre, besunder lieber herre und frunt, ewer hirlichkeit tun wir wissen, das die fursten in der Slesien allir zusampne komen sullen mit allen behemischen herren sunder lichte czwene ader des gleichs, die is noch mit den hussen halden, awsgenomen, und sullen mit en eynen tag halden czu GloczKłodzko achttage neste vor sandte Michils tage [22. września], und was die handelunge do seyn wirt, wissen wir noch als eygentlich nicht, sunder wie sie sich do uff demselben tage scheiden werden, wellen wir ewer grosmechtikeit an sewmen czu wissen tun. Auch senden wir ewir hochwirdikit eyn armbrost mit etczlichen strolen und schellen nicht vor eyne gobe, sunder czu eynem gedechtnis, und bettin ewir hirlichkit die uff dismol in fruntlichkit von uns nicht zu vorsmohen lossen, sunder gutlich ufczunemen als von eyme, an deme ir und der orden eynen diener und frunt habet, und haben ouch vornomen, das Hans von Polenczk bey korcz komen sulle von unserm gnadigsten herren romischen konige in botschaften czu den fursten in der Slesie. Sundir was die werbunge seyn wirt, wissen wir noch nicht. Ouch tun wir ewer hochwirdigen grosmechtikit zuwissen, das eyne vorschreibunge gemacht ist czwisschen unserm herrn konige von Polan und unser brudern uff diebe und rober, als ir das sehen werdit in dess ingeslossen czedil und abeschrift; und die czeit auch do gewest ist der komptor von SlochawCzłuchów, und wir auch hern des eygentlich Redewiczen des eygentlich underrichtet haben.
Geben zur OlsenOleśnica am montage noch unser lieben frawen tage nativitatis.